Իր կարիերիայի սկզբում սոված և անտուն Ֆրենկ Սինատրան այնպիսի ծանր նյութական կացության մեջ է եղել, որ նույնիսկ համաձայնել է նկարահանվել մեծահասակաների համար ֆիլմում: 1934 թվականին նկարահանված «Դիմակով ավազակը» ֆիլմի համար 19-ամյա Ֆրենկը ստացել է 100 դոլար հոնորար: Կյանքի մնացած մասը նա անցկացրել է` հույս ունենալով, որ իր կենսագրության այդ դրվագը գաղտնի կմնա:
Ինչպես հայտնում է Комсомольская правда-ն, երիտասարդ Սինտարայի մասնակցությունը պոռնոֆիլմում բացահայտել է Դարվին Փորթերը, որը նյութեր էր հավաքում նրա կենսագրության համար`«Երգիչը զարդախցից» անվանումով: Նա «Դիմակով ավազակը» ֆիլմի մասին իմացել է բրիտանացի դերասան Փիթր Լոուֆորդից, որը եղել է Սինատրայի նախկին ընկերը և «Առնետի խմբավորման» հինգ անդամներից մեկը:
Լոուֆորդը գիտեր, որ Սեմի Դևիս կրտսերը` Սինատրայի մեկ այլ ընկերը, պոռնոֆիլմերի մեծ սիրահար էր և իր հավաքածուում ուներ «Դիմակով ավազակը» ֆիլմը: 1972 թվականին նա Սինատրայի հետ կատակել է հայտնի մարդկանց երեկույթում ` «Խոր Կոկորդ» ֆիլմի ցուցադրության ժամանակ դնելով «Դիմակով ավազակը» ֆիլմից մի հատված:
Սինատրան «ավազակի» դերը խաղացել է դիմակով, այդ պատճառով ոչ ոք, բացի Լոուֆորդից, Դևիսից և Սինատրայից, չի իմացել, թե ով է մերկ, նիհար երիտասարդը, որը զվարճանում էր երկու մերկ դերասանուհիների հետ: «Առնետի խմբավորման» անդամները հաճախ էին կատակում, սակայն այս կատակը Ֆրենկին դուր չի եկել: Սկզբում նա ուզեցել է դաժան պատասխան տալ Դևիսին, սակայն որոշել է ոչ մի քայլ չձեռնարկել` վախենալով, որ Դևիսը կարող է դրա մասին պատմել լրագրողներին: Ավելի ուշ Դևիսը համաձայնվել է ոչնչացնել ֆիլմը:
Անցել են տարիներ, և ինչ-որ մեկը մտածել է հետևել Դևիսի օրինակին և օգտագործել «Դիմակով ավազակը» ֆիլմից հատվածներ, որպեսզի ֆիլմ նկարահանեն աստեղերի մասին, օրինակ՝ Ջոն Քրոուֆորդի, որը, նախքան հայտնի դառնալը, խաղացել է պոռնոֆիլմերում: Իմանալով այդ մասին` Ֆրենկը զանգահարել է մաֆիայի իր ընկերներին: «Դիմակով ավազակը» ֆիլմի հատվածներն այլևս երբեք էկրանին չեն հայտնվել: