ԱՄՆ-ում ոստիկանությունը գազի բալոնը ցրել է Կալիֆոռնիայի համալսարանի ուսանողների վրա, ովքեր խաղաղ ցույց էին կազմակերպել և աջակցում էին ‹‹Գրավիր Ուոլ-սթրիթը›› բողոքի ակցիային: Մի աղջիկ այրվածքներ է ստացել: Այս մասին հաղորդում է The Huffington Post-ը:
‹‹Համալսարանի ուսանողները այգում խաղաղ ցույց էին կազմակերպել: Ոստիկանը նրանց երեք րոպե էր տվել ցրվելու համար: Գլխավոր պահանջն այն էր, որ հանեն վրանները››,- պատմել է ուսանողներից մեկը` հավելելով, որ իրենք օրենք չեն խախտել:
Համացանցում տեսանյութ է հայտնվել, ըստ որի`ոստիկանը հավաքված բազմությանը ցույց է տալիս գազի բալոնը, իսկ հետո այն ցրում երիտասարդների երեսին: Մեկ հոգի հոսպիտալացվել է` ստանալով քիմիական այրվածքներ:
Ցույցին մասնակցել է 50 մարդ, իսկ ոստիկանները 35-ն էին:
