«Հրապարակ»-ը գրում է, որ Սյունիքի մարզպետ Սուրիկ Խաչատրյանի՝ Լիսկայի պաշտոնանկության մասին լուրերը ցնծություն են առաջացրել մարզում:
«Մարդիկ միմյանց շնորհավորում են՝ ավետելով, թե ազգային-ազատագրական զարթոնք է Սյունյաց աշխարհում: Աչքալուսանք են տալիս, որ վերջապես ազատագրվելու են Լիսկայի երկարամյա լծից: Ոմանք անգամ լուրեր են տարածել, թե մարզպետին կալանավորել են: Հավանաբար քրեական գործ հարուցելու մասին լուրը շփոթել են կալանքի հետ: Նրա քաջագործությունները տարիներ շարունակ այնպիսի դժգոհություն են առաջացրել մարզում, որ մարդիկ ուրախանում են, որ վերջապես հնարավոր է ազատագրվեն Լիսկայից:
Մանավանդ այնքան հաճախ են այդ լուրերը շրջանառվել և այդպես էլ իրականություն չեն դարձել, որ մարդիկ այլևս չէին էլ հավատում, որ դա երբևէ հնարավոր է»:
