Ինչպես հայտնում է Geneva Associated Press-ը, աշխարհի ամենամեծ ֆիզիկայի լաբորատորիայում աշխատող գիտնականներն այսօր հայտնել են, որ կարողացել են բացառել այն սխալը, որը կխեղաթյուրեր իրենց ապշեցուցիչ հաշվարկները: Այդ հաշվարկները ցույց են տալիս, որ մասնիկներն ավելի արագ են շարժվում քան լույսը:
Շատ ֆիզիկոսներ թերահավատությամբ են արձագանքել սեպտեմբերին ֆրանսիացի և իտալացի գիտնականների կողմից ներկայացված հաշվարկներին, ըստ որոնց՝ նեյտրոն մասնիկներն ավելի արագ են շարժվում, քան լույսը` դրանով ապացուցելով, որ Նոբելյան մրցանակակիր ֆիզիկոս Ալբերտ Էյնշտեյնը սխալ էր բացարձակ արագության վերաբերյալ իր հաշվարկներում:
Միջուկային հետազոտությունների եվրոպական կազմակերպությունը հայտնում է, որ վերջերս արված ավելի ճշգրիտ ուսումնասիրությունները որոշ չափով ապացուցել են սեպտեմբերին արվածի ճշմարտացիությունը: