Google-ն իր երաժշտական Google Music ծրագիրը հասանելի է դարձրել բոլորի համար: Բայց կան 7 կարևոր կետեր, որոնք հարկավոր է իմանալ:
• Այն կարող է ավտոմատ կերպով վերբեռնել iTunes-ի և այլ երաժշտական ծրագրերի երգերը:
• Այն իրենից երկու առանձին կայքեր է ներկայացնում: Այսինքն` դուք երաժշտությունը գնում եք Android կայքից, իսկ Google Music-ի կայքից կարող եք վերբեռնել երաժշտություն:
• Դուք կարող եք երգերը ներբեռնել ցանկացած համակարգիչ, եթե միայն դրանք գնել եք Google Music-ից:
• Android-ի որոշ սարքեր լիովին համապատասխանում են ծրագրին, իսկ որոշները` ոչ:
• Google Music-ը կարող է օգտագործվել նաև iPhone-ների համար:
• Կայքում կա նաև չափազանց մեծ քանակությամբ անվճար երաժշտություն, բայց միևնույն է՝ դրանցից օգտվելու համար դուք պետք է լրացնեք ձեր բանկային տվյալները:
• Միայն կայքից գնված երգերը կարող եք ներկայացնել Ձեր Google+-ի էջում: