ИТАР ТАСС-ի փոխանցմամբ՝ ԱԷՄԳ-ը դեռևս մտադիր չէ Իրանի միջուկային ծրագրի հարցը ներկայացնել ՄԱԿ-ի ԱԽ՝ հետագա քննարկումների ու պատժամիջոցների հնարավոր խստացման համար։ Այս մասին հայտնի է դարձել այսօր ընթացող ԱԷՄԳ-ի ղեկավար խորհրդի նիստի կուլիսներում, որը քննարկում է Իրանի վերաբերյալ «վեցնյակի» պատրաստած բանաձևի նախագիծը։
Աղբյուրը նշում է, որ այդ ամենի հետ մեկտեղ, նախատեսվում է պահպանել և ուժեղացնել Թեհրանի վրա գործադրվող ճնշումը, որպեսզի կարելի լինի հասնել այն հարցերի պատասխաններին, որոնք մտահոգում են ԱԷՄԳ-ին։
Այդ նպատակով պլանավորված է Իրանի նկատմամբ սահմանել կոշտ ժամկետներ, որոնց ընթացքում նա պետք է պատրաստակամություն ցուցաբերի կառուցողական համագործակցություն սկսելու և իր միջուկային ծրագրի խաղաղ բնույթն ապացուցելու համար։
Հիշեցնենք, որ եթե Իրանի միջուկային ծրագրի վերաբերյալ բանաձևը դրվի քվեարկության, ապա դրա հաստատման համար անհրաժեշտ կլինի ԱԷՄԳ-ի ղեկավար խորհրդի անդամների (35) ավելի քան կեսի աջակցությունը՝ 18 քվե։
