«Գրավեք Ուոլ Սթրիթը» ակցիայի մասնակիցները Լոնդոնում գիշերը գրավել են երկրի ֆինանսական կենտրոնում գտնվող UBS ընկերության դատարկ շենքը:
Ինչպես հաղորդում է Associated Press-ը, սա առաջին դեպքն է, երբ շարժման ակտիվիստները կարողացել են ինչ-որ շենք գրավել: Ավելի վաղ նրանց չէր հաջողվել մտնել Լոնդոնի ֆոնդային բորսայի շենք, որից հետո նրանք որոշել էին ճամբար դնել Սուրբ Պողոս տաճարի դիմաց:
Այս պահին ակցիայի մասնակիցները պայքարում են իշխանությունների դեմ` պահանջելով թույլատրել վրանային ճամբարը տաճարի առաջ: Վրանային ճամբարի պատճառով Սուրբ Պողոսի տաճարը ժամանակավորապես փակ է:
