Իրանական Iran News լրատվական գործակալության փոխանցմամբ՝ The Daily Beast-ի մեկնաբան Էլի Լեյքը, վկայակոչելով ԱՄՆ հետախուզական ծառայության նախկին և գործող աշխատակիցներին, վստահեցնում է, որ քանի դեռ վերջին տարիներին Իրանը զարգացրել է իր միջուկային ծրագիրը, Իսրայելը ստեղծել է բարձրտեխնոլոգիական զենք, որը գնահատվում է միլիարդավոր դոլարներ։
Դրա օգնությամբ Իսրայելը կարող է անջատել, կուրացնել և «լսելու» ունակությունից զրկել Թեհրանի հակաօդային պաշտպանությունը (ՀՕՊ)։ Այս ամառ ամերիկյան հետախուզությունը եկել է այն եզրահանգման, որ Իրանի միջուկային օբյեկտների վրա հարձակվելու դեպքում Իսրայելը կիրառելու է ոչ միայն մարտական ինքնաթիռներ, այլև էլեկտրոնային զենք։
Վերջինս կշրջափակի էլեկտրամատակարարումը, ինտերնետը, բջջային կապը և ոստիկանության ու հրշեջների համար նախատեսված հաճախականությունները։ Օրինակ՝ Իսրայելը ստեղծել է զենք, որն ունակ է ազդանշանի պատրանք ստեղծելու միջոցով բջջային ցանցերը հասցնել քնած ռեժիմի, այսինքն՝ ցանցը փաստացիորեն անջատվում է։
Լեյքը պնդում է, որ երբ 2007 թվականին իսրայելական ավիացիան հարձակում էր գործում Սիրիայի ենթադրյալ միջուկային օբյեկտի վրա, նա մոլորության մեջ գցեց սիրիական ՀՕՊ-ի ռադարներին։ Այն ժամանակ նախ տպավորության առաջացավ, որ երկնքում որևէ ինքնաթիռ չկա, իսկ ակնթարթներ անց ռադարները ցույց տվեցին, որ օդում առկա են հարյուրավոր ինքնաթիռներ։
Հիշեցնենք, որ կարծիքներ կան, թե 2007 թվականին իսրայելական մարտական ինքնաթիռները սիրիական միջուկային օբյեկտին հարվածելու համար օգտվել են Թուրքիայի տարածքից՝ հանկարծակիության գործոնն ապահովելու համար։
