Իրանական IRNA լրատվական գործակալության փոխանցմամբ՝ ԱԷՄԳ-ի ղեկավար խորհուրդը, որը բաղկացած է 35 անդամից, այսօր քվեարկության է դնելու Իրանի միջուկային հաշվետվության վերաբերյալ բանաձևի նախագիծը։
Նշվում է, որ Իրանի նկատմամբ ԱՄՆ-ի, Մեծ Բրիտանիայի ու Ֆրանսիայի դիրքորոշումը հավանության չի արժանացել մյուս երկրների կողմից՝ չնայած ԱԷՄԳ-ի ղեկավար խորհրդի նիստի առաջին օրն այդ երեք երկրների ներկայացուցիչների կողմից բարձրացված աժիոտաժին։
Տեսնելով, որ մյուս երկրները չեն աջակցում իրենց դիրքորոշմանը՝ այդ երեք երկրները փոխել են այն, որով և Իրանի վերաբերյալ բանաձևի նախագծից դուրս է մնացել այն կետը, որով Իրանին պետք է վերջնաժամկետ ներկայացվեր։
Հիշեցնենք, որ Իրանի միջուկային հաշվետվության վերաբերյալ այդ բանաձևի նախագիծը պատրաստել է տվյալ խնդրի կարգավորման հարցում միջազգային միջնորդ հանդիսացող «վեցնյակը»՝ ՄԱԿ ԱԽ 5 մշտական անդամներ ԱՄՆ-ն, Ռուսաստանը, Մեծ Բրիտանիան, Ֆրանսիան, Չինաստանը և Գերմանիան։