Կենդանիների էթիկական վերաբերմունքի շարժումը (PETA) դիմել է Թեքսաս նահանգի Թըրքի քաղաքի քաղաքապետին`խնդրելով Երախտագիտության օրը քաղաքը վերանվանել Թոֆուրկի (Tofurky):
Ինչպես հայտնում է Pronews7 հեռուստաընկերությունը, PETA-ի նամակի համաձայն` քաղաքին պետք է տալ «բուսակեր» անվանում, քանի որ Թըրքին թարգմանաբար նշանակում է հնդկահավ: Եթե քաղաքապետը համաձայնի քաղաքը վերանվանել, ապա կենդանիների պաշտպաններն իրենց հերթին խոստանում են քաղաքի բնակիչների համար կազմակերպել բուսական խնջույք:
Տեղի բնակիչները Pronews7 հեռուստաընկերությանը տված հարցազրույցում PETA-ի նախաձեռնությունն անվանել են «հիմար» և «վիրավորական»: «Մեզ դուր է գալիս մեր հնդկահավը: Մենք հպարտ ենք, որ ապրում են Թըրքիում»,- ասել է բնակիչներից մեկը:
Քաղաքային իշխանություններն, իրենց հերթին, հայտարարել են, որ Թըրքի անվանումը ոչ ոք չի պատրաստվում նույնիսկ մեկ օրով փոխել:
РЕТА շարժման ակտիվիստները վստահ են, որ կենդանիներն ունեն նույն իրավունքներն, ինչ որ մարդիկ, և արժանի են իրենց նկատմամբ նույն հումանիտար վերաբերմունքին՝ անկախ այն բանից, թե նրանք մարդկանց օգուտ բերում են, թե ոչ: Նրանք գտնում են, որ կենդանիներին չպետք է օգտագործել սնունդ, կոշիկ և հագուստ պատրաստելու համար, նույնիսկ նրանց շահագործել:
РЕТА-ի ներկայացուցիչների խոսքերով, աշխարհում հաշվվում է շարժման մոտ երեք միլիոն անդամ և կողմնակցիներ: Որոշ տվյալների համաձայն` Հետաքննության դաշնային բյուրոն РЕТА-ի ակտիվիստներին կասկածում է բնաահաբեկչությունը ֆինանսավորելու մեջ:
