Ամերիկացի պալեոնկարիչ Ջոն Գուրշեն ստեղծել է պատկերը ավստրալոպիթեկ սեբիդի (Australopithecus sediba), որին մի շարք գիտնականներ համարում են մարդկության նախնին:
Ինչպես հաղորդում է Daily Mail-ը, նկարիչը վերստեղծել է 13 տարեկան Կարաբոյի («պատասխան») կերպարը: Նա պեղումներին ժամանակ հայտնաբերվել է Հարավային Աֆրիկայի քարանձավներից մեկում: Կարաբոյի հասակը 1,3 մետր է, ապրել է մոտ 2 միլիոն տարի առաջ:
Հարավային Աֆրիկայի Ուիտուոտերսրենդ համալսարանի էվոլյուցիոն կենսաբանության պրոֆեսոր Լի Բերգերի խոսքերով՝ Կարաբոյի կերպարը հնարավոր է եղել վերստեղծել լավ պահպանված գանգի շնորհիվ:
Հնագույն մարդկանց մնացորդների նոր տեսակը հայտնաբերվել էր 2010 թվականին Հարավային Աֆրիկայում: Լի Բերգերը կարծում է, որ ավստրալոպիթեկ սեբիդը մի քանի նշաններով ավելի հարմար է Homo ցեղատեսակի նախնին համարվելուն և հանդիսանում է անցումային օղակ մարդկանց նախնիների և հնագույն կապիկների միջև:
Ավստրալոպիթեկ սեբիդները միաժամանակ նման են և՛ մարդկանց, և՛ ժամանակակից շիմպանզեներին: Մարդկանց հետ նրանց կապում են կարճ մատները, գանգատուփի և քայլելու հնարավորություն ունեցող ոտքերի կառուցվածքը: Նրանց ուղեղն ավելի շատ է նման մարդու ուղեղին, քան ավստրալոպիտեկ ցեղի այլ ներկայացուցիչների ուղեղին:
