ИТАР-ТАСС-ին տված հարցազրույցում լիբանանցի հրապարակախոս ու իրավապաշտպան Յուսեֆ Մուավադը հայտարարել է, որ Սիրիայի փլուզման դեպքում Թուրքիայի վարչապետ Էրդողանին մեծ խնդիրներ են սպասում.
«Էրդողանի նման քաղաքական գործիչը ԱՄՆ-ին առաջին հերթին անհրաժեշտ է իրանական ազդեցությունը հակակշռելու համար։ Սակայն հավատացեք, որ նա մեծ խնդիրներ կունենա Սիրիայի փլուզման դեպքում։ Անկարային գլխավոր մարտահրավերը կնետեն քրդերը։
Մեկ ժողովրդի երկու ինքնավարություն՝ Իրաքում ու Սիրիայում, արդյոք շատ չի՞ լինի։ Այն ամենը, ինչ այսօր տեղի է ունենում Մերձավոր Արևելքում՝ հանդիսանում է այն հեղաշրջման ուղղակի արդյունք, որը 2003 թվականին Իրաքում իրականացրեցին ամերիկացիները։
Նրանց ասացին չբացել Պանդորայի արկղը, սակայն նրանք չլսեցին։ Շուտով Արաբական արևելքի քրիստոնյաների համար կսկսվի ծանր ժամանակաշրջան»։
Հիշեցնենք, որ ներկայումս լուրեր են շրջանառվում, որ Սիրիայի փլուզման դեպքում թուրքական բանակը պատրաստ է ներխուժել այդ երկրի քրդաբնակ հյուսիս և այնտեղ ստեղծել բուֆերային գոտի։
