Грузия Online-ի փոխանցմամբ՝ ԵՄ արտաքին հարաբերությունների և անվտանգության քաղաքականության հարցերով գերագույն հանձնակատար Քեթրին Էշթոնը ժամանել է Թբիլիսի։
Թբիլիսիում Էշթոնը նախ հանդիպելու է Վրաստանի նախագահ Միխեիլ Սաակաշվիլիի, ապա նաև արտգործնախարար Գրիգոլ Վաշաձեի հետ։ Նախնական տեղեկություններով՝ այդ հանդիպումներում քննարկվելու են ազատ առևտրային գոտու ձևավորման ու Վրաստանի եվրաինտեգրման հարցերը։
Հիշեցնենք, որ սա Էշթոնի երկրորդ վրացական այցն է։ Առաջին անգամ նա Վրաստան է ժամանել 2010 թվականի հուլիսին։
