Հորդանանի թագավոր Ադբալլահ 2-րդը կոչ է արել Սիրիայի նախագահ Բաշար Ալ-Ասադին հեռանալ իշխանությունից այն բանից հետո, երբ Արաբական երկրների լիգան սառեցրեց Սիրիայի անդամակցությունը:
«Ես գտնում եմ, որ եթե ես իր տեղը լինեի, ես հրաժարական կտայի, ընդ որում՝ վստահ կլինեի, որ նա, ով կփոխարինի ինձ, կկարողանա փոխել ստատուս քվոն, որը ներկայումս մենք տեսնում ենք»,- ասել է Ադբալլահ 2-րդը BBC-ին տված հարցազրույցի ժամանակ:
Աբդալլահ թագավորն ասել է, որ նախագահ Ասադը սկսել է «քաղաքական երկխոսության նոր դարաշրջան» նախքան իշխանությունից հեռանալը:
Բացի Հորդանանի թագավորից, Ասադի քննադատությամբ են հանդես եկել Սաուդյան Արաբիայի և Կատարի իշխանությունները, որոնք Դամասկոսից հետ են կանչել իրենց դեսպաններին:
Հիշեցնենք, որ շաբաթ Կահիրեում՝ Արաբական երկրների լիգայի շտաբ-կայանում, տեղի է ունեցել լիգայի անդամ երկրների արտաքին գործերի նախարարների մասնակցությամբ արտահերթ նիստ, որտեղ որոշվել է սառեցնել Սիրիայի անդամակցությունը: Արաբական երկրների լիգայի մեջ են մտնում ընդամենը 22 պետություն, որոնցից 18-ը կողմ են քվեարկել հեռացման որոշմանը, իսկ դեմ են քվեարկել Սիրիան, Լիբանանը և Եմենը: Իրաքը ձեռնպահ է մնացել:
Դրանից հետո Սիրիայում սկսվել են զանգվածային ցույցեր Արաբական երկրների լիգայի դեմ: Ցուցարարները հարձակվել են Դամասկոսում Սաուդյան Արաբիայի դեսպանատան, Լաթաքիայում Ֆրանսիայի և Թուրքիայի հյուպատոսությունների վրա: Ցուցարարները պաշտպանում էին նախագահ Բաշար Ալ-Ասադին:
Ավելի ուշ, Սիրիան ներողություն է խնդրել կատարվածի կապակցությամբ:
