Այս գիշեր, ժամը 2-ի սահմաններում, Երևանի Մյասնիկյան պողոտայում 26-ամյա Յուրի Ուզունյանը, վարելով իրեն պատկանող ՎԱԶ-21214 մակնիշի 80 ՏՏ 800 համարանիշի ավտոմեքենան, դուրս է եկել ճանապարհի երթևեկելի գոտուց և բախվել թիվ 38/4 հասցեի դիմացի սյանը:
Վթարի հետևանքով Յ. Ուզունյանը և ավտոմեքենայում գտնվող ուղևոր 34-ամյա Շավարշ Իսպիրյանը մարմնական վնասվածքներով տեղափոխվել են Սուրբ Գրիգոր Լուսավորիչ բժշկական կենտրոն:
Վթարի վայրում հավաքվածները պատմել են, որ մինչ կժամանեին Երևանի ՃՈ աշխատակիցներն ու ոստիկանության քննչական գլխավոր վարչության ճանապարհատրանսպորտային հանցագործությունների քննության բաժնի քննիչները, անհայտ անձինք ավտոմեքենայի վրայից հանել էին համարանիշները: Վթարի վայրում փորձել էին ոստիկանությանը մոլորության մեջ գցել, թե իբրև վարորդը եղել է այլ անձ:
Յուրի Ուզունյանը ծառայում է ՀՀ ՊՆ քննչական ծառայության 4-րդ կայազորային քննչական բաժնում, կոչումով ավագ լեյտենանտ է:
Յ. Ուզունյանը հոկտեմբերի 27-ի գործով դատավոր, ներկայումս Ավան-Նոր Նորք վարչական շրջանների ընդհանուր իրավասության դատարանի նախագահ Սամվել Ուզունյանի որդին է:
Ավտոմեքենան ՃՏՀ քննության բաժնի քննիչ Խաչիկ Սամվելյանի հանձնարարականով, տեղափոխվեց Երևանի ՃՈ տուգանային հրապարակ:
Տեղեկությունը` ֆոտոլրագրող Գագիկ Շամշյանի: