Շիրակում արդեն զգացվում է խստաշունչ ձմռան շունչը, սակայն Գյումրիում վաղուց շարքից դուրս եկած վագոն-տնակներում մի կերպ պատսպարված հարյուրավոր անօթևան ընտանիքները մնացել են առանց ձմռան վառելիքի:
Խնդիրը նրանում է, որ նրանք հավատալով իշխանությունների` ընթացիկ տարում Մուշ-2 և Անի թաղամասերում կառուցվող բնակարանների շահագործման մասին խոստումներին, ամռան ամիսներին, երբ համեմատաբար էժան էր վառելափայտը, չեն նախապատրաստվել ձմռան համար: Եվ հիմա, երբ հայտնի դարձավ, որ բնակարանների բաշխումը Գյումրում հետաձգվում է մինչև հաջորդ տարի, անօթևան ընտանիքները հայտնվել են աներանելի վիճակում, իսկ վառելափայտի գներն էլ Գյումրու շուկայում սրընթաց աճում են:
Նման վիճակում են հայտնվել նաև Գյումրու նախկին «Բարեկամություն» կոչվող այգու տնակային ավանի բնակիչներից մեկի` Շաբոյանների ընտանիքը:
Առավել պատկերավոր՝ դիտեք «Շիրակ կենտրոնի» կողմից պատրաստած տեսանյութում…