Ամերիկյան Sky News-ի փոխանցմամբ, ամերիկյան պաշտոնական աղբյուրները հաստատել են, որ ԱՄՆ-ն Սաուդյան Արաբիային կվաճառի մոտ $60 մլրդ-ի ռազմական տեխնիկա, եւ սա կդառնա ԱՄՆ կողմից երբեւէ կնքված ամենախոշոր ռազմական գործարքը: Ենթադրվում է, որ Կոնգրեսը կհաստատի այս գործարքը, որով նախատեսվում է սաուդական կողմին վաճառել ինքնաթիռներ եւ ուղղաթիռներ, եւ որի հիմնական նպատակն է տարածաշրջանում ապահովել ռազմական հավասարակշռությունը , հատկապես Իրանի` միջուկային ծրագրի զարգացման ֆոնին:
Վաշինգտոնը ցանկանում է արդիականացնել թագավորության օդային ուժերը, իսկ միջոցների մյուս կեսը կտրամադրվի հրթիռներ եւ նավատորմի համար ռազմատեխնիկա գնելուն: Ըստ այդմ` Սաուդյան Արաբիան կգնի F-15 տեսակի 84 կործանիչ, 70 «Apache», 36 «AH-6M Little Birds», 72 «Black Hawk» տեսակի ուղղաթիռներ, F-15 տեսակի սաուդյան գրեթե 70 կործանիչներ կարդիականացվեն:
Ինչպես հայտնել է ռազմա-քաղաքական հարցերով պետքարտուղարի օգնական Էնդրյու Շապիրոն, Օբամայի վարչակազմը որեւէ առարկություն չի ակնալում Իրսրայելի կողմից, որն ավանդաբար դեմ է արտահայտվում իր հարեւան երկրների ռազմական պոտենցիալի զարգացմանը: «Մենք կարծում ենք, որ սա շատ ավելի կօգնի տարածաշրջանի անվտանգությանն ու կայունությանը, քան կնվազեցնի այն»-, հայտարարել է Շապիրոն:
