Ամերիկացի հանրահայտ դերասան Ռոբերտ դե Նիրոն կխաղա պատմության մեջ խոշորագույն ֆինանսական բուրգի հիմադիր Բեռնարդ Մեդոֆիի դեր:
Ինչպես հայտնում է The Daily Telegraph-ը, Մեդոֆֆի որդին` Էնդրյուն, օգնել է լրագրող Լորի Սանդելլին գրել «Ճշմարտությունը և նրա հետևանքները. կյանքը Մեդոֆֆի ընտանիքում» (Truth and Consequences: Life Inside the Madoff Family) գիրքը, որի իրավունքները գնել է ամերիկյան HBO հեռուստաընկերությունը: Հենց այդ գրքի հիման վրա կգրվի ֆիլմի սցենարը, և Tribeca Productions ընկերությունը կնկարահանի այն:
Ֆիլմի երկրորդ աղբյուր կհանդիսանա Մարկ Մեդոֆֆի այրու՝ Ստեֆանի Մեդոֆֆ-Մարկի գիրքը, որը լույս է տեսել «Անոմալիա. կնոջ դժբախտությունը և այրու նոր կյանքը» (The End of Normal: A Wife’s Anguish, A Widow’s New Life) վերագրով: Դեռ հայտնի չէ, թե ով է լինելու ֆիլմի ռեժիսորը, և երբ այն կբարձրանա էկրան:
Հիշեցնենք, որ Բեռնարդ Մեդոֆֆի խարդախությունները շարունակվել էին ավելի քան քսան տարի և բացահայտվել են 2008 թվականի դեկտեմբերին: Խաբվածների թվում էին հանրահայտ դերասաններ, երաժիշտներ, համաշխարհային բանկեր: Իր խարդախությունների համար Մեդոֆֆը 2009 թվականի հունիսին դատապարտվել է 150 տարվա ազատազրկման: Նրա ավագ որդին` Մարկը, 2010 թվականին ինքնասպանության էր գործել, իսկ ավելի վաղ պարզ էր դարձել, որ ինքնասպանության փորձ են կատարել Բեռնարդ Մեդոֆֆը և նրա կինը`Ռութը: