Ավստրիայում սերիական գող է ձերբակալվել, ով մեղադրվում է վերջին 4 տարվա ընթացքում 850 գողություն կատարելու մեջ: Տեղի ԶԼՄ-ները նրան անվանում են «գողերի թագավոր»։ Վերջինս իր գողությունների ընթացքում ուշադրությունը բևեռել էր հիմնականում կանանց ներքնաշորերի վրա: Այս մասին հաղորդում է France-Presse գործակալությունը:
Վերջին 4 տարվա ընթացքում հանցագործը գողացել է 15 հազար եվրո կանխիկ գումար և 20 հազար եվրոյի ապրանք: Նա գողացել է կանանց մոտավորապես 208 ներքնաշոր:
Իր պրոֆեսիոնալիզմի շնորհիվ «գողերի թագավորը» երկար ժամանակ վրիպել է ոստիկանության ուշադրությունից: Ոստիկանության հայտարարության համաձայն՝ նա արդեն խոստովանել է իր հանցագործությունների մեծ մասը:
