Blur և Gorillaz խմբերի նախկին առաջնորդ Դեյմոն Ալբարնը, Red Hot Chili Peppers խմբի բասիստ Ֆլին և լեգենդար թմբկահար Թոնի Ալենը համացանցում տեղադրել են իրենց համատեղ նախագծի ձայնագրությունը:
Ինչպես հաղորդում է NME բրիտանական երաժշտական ամսագիրը, համատեղ նախագիծը կոչվում է Rocket Juice and the Moon:
Անցած հանգստյան օրերին խումբը տվել է իր առաջին պաշտոնական համերգը: Համացանցում հայտնվել է նաև հոկտեմբերի 29-ին կայացած Rocket Juice and the Moon-ի համերգից մի հատված:
Ալբարնը հաղորդել է, որ նոր ձևավորված համույթը պատրաստվում է արդեն 2012 թ. ալբոմ թողարկել:
Gorillaz-ի հիմնադիրն ու Թոնի Ալենն ավելի վաղ միասին նվագել են The Good, the Bad & the Queen խմբում: Օրերս Ալբարնը հայտարարել է նախագծի վերածննդի մասին: Նոյեմբերի 10-ին Լոնդոնում տեղի կունենա The Good, the Bad & the Queen-ի առաջին համերգը 2008-ի վեր:
Աշխատասեր Ալբարնի նախորդ աշխատանքներից են հոկտեմբերին լույս տեսած DRC Music բարեգործական նախագծի ձայնասկավառակը` ձայնագրված կոնգոցի երաժիշտներ հետ և հուլիսի 1-ին հանրությանը ներկայացված Doctor Dee օպերան` նվիրված Ջոն Դիին` անգլիացի մաթեմատիկոսին, ալքիմիկոսին և Էլիզաբեթ 2-րդի պալատական աստղագետին:
