Ֆլորիդայի դատարանը հաստատեց NASA-ի և նախկին տիեզերագնաց Էդգար Միտչելի միջև համաձայնագիրը, ըստ որի՝ ‹‹Ապոլլոն-16››-ի անձնակազմի անդամը կվերադարձնի տիեզերական գործակալությանը Լուսնի վրա եղած տեսախցիկը, որն իր մոտ էր գտնվում: Այս մասին հաղորդում է Associated Press-ը:
Մինչ այդ Միտչելը հավատացնում էր, որ այդ տեսախցիկն ինքը նվեր է ստացել NASA-ից: Այս տարվա մարտին նա փորձել էր վաճառել տեսախցիկը բրիտանական Bonhams աճուրդային տան առքուվաճառքի ժամանակ՝ հույս ունենալով տեսախցիկի դիմաց ստանալ 60-80 հազար դոլար:
Էդգար Միտչելը վեցերորդ մարդն է, ով եղել է Լուսնի վրա: Նա նաև հայտնի է իր այն համոզմունքներով, որ Երկիր մոլորակ պարբերաբար այցելում են այլմոլորակայիններ, և նրանց գոյության մասին տեղյակ են տարբեր երկրների կառավարությունները և հատուկ ծառայությունները:
