Panasonic ընկերությունը, 2011 թվականի ֆինանսական տարվա առաջին կիսամյակի տվյալներով, արձանագրել է 136,15 միլիարդ իենի (1,7 միլիարդ դոլար) զուտ կորուստ: Ինչպես հայտնում է France-Presse գործակալությունը, ընկերության օրական կորուստը կազմում է 10 միլիոն դոլար: Ընկերությունը կանխատեսում է, որ ամբողջ տարվա արդյունքում կորուստը կկազմի 420 միլիարդ իեն (5,5 միլիարդ դոլար):
Panasonic-ը առաջին կիսամյակում ունեցած կորուստը բացատրում է վաճառքի տեմպերի նվազմամբ, ինչպես նաև մարտին Ֆուկուսիմայի ատոմային էլեկտրակայանում տեղի ունեցած երկրաշարժի հետևանքների և ազդեցություննների վերացմամբ:
Հետաքրքրական է, որ 2010 թվականի ընթացքում ընկերությունը ունեցել է 74 միլիարդ իենի շահույթ: Ողջ անցած տարվա ընթացքում մաքուր շահույթը կազմել է 30 միլիարդ յեն:
Ընկերության առավել շահավետ ստորաբաժանումներից է պլազմային հեռուստատեսային վահանակների արտադրությունը: Սակայն Panasonic-ը երկու շաբաթ առաջ հայտարարել էր ստորաբաժանման հազարավոր աշխատակիցների կրճատման մասին:
Ապրիլին ընկերությունը հայտնել էր , որ գալիք երկու տարում կրճատելու է 17 հազար աշխատակիցների: Նա մտադիր է նաև փակել նաև 70 գործարան:
