Ռուսական Regnum լրատվական գործակալության փոխանցմամբ՝ ադրբեջանական ժողովրդի, այդ թվում՝ նաև Ադրբեջանի իշխող «Ենի Ազերբայջան» կուսակցության (ԵԱԿ) անդամների մեծ մասը ցանկանում է, որ ներկայիս նախագահ Իլհամ Ալիևը նախագահի պաշտոնում վերընտրվի երրորդ անգամ։
Այս մասին հայտարարել է Ադրբեջանի Միլի մեջլիսի (խորհրդարան) խոսնակ, ԵԱԿ քաղխորհրդի անդամ Բահար Մուրադովան։ Վերջինիս խոսքերով՝ Իլհամ Ալիևը մեծ հնարավորություններ ունի նախագահի պաշտոնում վերընտրվելու համար, քանի որ ադրբեջանական ժողովրդի ճնշող մասը կաջակցի նրան։
Հիշեցնենք, որ Ալիևների ընտանիքն Ադրբեջանը ղեկավարում է 1993 թվականից։ 2009 թվականին Իլհամ Ալիևը հանրաքվեի միջոցով առանց որևէ խնդրի վերացրեց երկու անգամից ավելի նախագահ ընտրվելու վրա դրված սահմանափակումը։
