«Գրավեք Ուոլ Սթրիթը» ակցիայի մասնակիցներին հաջողվել է հավաքել 500 հազար դոլար հանգանակություն: Այս մասին հաղորդում է Associated Press-ը, վկայակոչելով Նյու Յորքի ակցիայի մասնակիցների ներկայացրած ֆինանսական հաշվետվությունը:
Փաստաթղթերը վկայում են, որ մասնակիցներն արդեն ծախսել են շուրջ 50 հազար դոլար: Այգում սանիտարական նորմերի պահպանման համար ծախսվել է ընդամենը 1100 դոլար, գումարի մյուս մասը ծախսվել է ուտելիքի, հագուստի և համացանցի վրա:
«Գրավեք Ուոլ Սթրիթը» ակցիան սկսվել է սեպտեմբերին Նյու Յորքում, այնուհետև տարածվել ԱՄՆ-ի և աշխարհի բազմաթիվ քաղաքներում: Ակցիայի մասնակիցները հանդես են գալիս ֆինանսական ինստիտուտների չարաշահումների դեմ:
