Այսօր ամբողջ աշխարհում նշվում է անիմացիայի միջազգային օրը: Տոնը սկսել են նշել Անիմացիոն ֆիլմերի միջազգային ասոցիացիայի (The International Animated Film Association, ASIFA) ֆրանսիական մասնաճյուղի նախաձեռնությամբ 2002 թվից՝ առաջին անիմացիոն տեխնոլոգիայի ցուցադրման 100-ամյակի առթիվ:
1982 թ. հոկտեմբերի 28-ին Փարիզում նկարիչ և գյուտարար Էմիլ Ռեյնոն առաջին անգամ հրապարակավ ցուցադրեց իր նոր սարքը` պրակսինոսկոպը, որը ցույց էր տալիս շարժվող պատկերներ: Հենց այդ թվականն էլ համարվում է անիմացիոն ֆիլմերի դարաշրջանի սկիզբը:
Մի շարք երկրներում տոնական արարողությունները սկսվում են նշված օրվանից մի քանի օր առաջ: Տոնի նախօրեին ամբողջ աշխարհում անիմացիոն ֆիլմերի մասնագետները և սիրողական զբաղվողները փոխանակում են իրենց ֆիլմերը և կազմակերպում պրեմիերային դիտումներ: Այժմ նման միջոցառումներ են ընթանում միաժամանակ աշխարհի 104 երկրներում:
Նշենք, որ խորհրդային «Ոզնին մշուշում» մուլտֆիլմը 2003 թ. ճանաչվել է բոլոր ժամանակների լավագույն մուլտֆիլմ:
