«Այն կուսակցությունը, ով շալակի նրան և բերի նախագահի աթոռին, կզրկվիշարքային մարդու հարգանքից, քանի որ Քոչարյանը ավերեց այս տասը տարիների ընթացքում երկիրը՝ և՛ բարոյապես, և՛ տնտեսապես, և՛ առհասարակ: Չնայած այսօր շարունակում է գործել Քոչարյանաբուժուկան համակարգ, ով ինչ հարկեր վճարի, ում վճարի և ով ինչ աստիճանի լկտիանա»,- այսօր հրավիրված ասուլիսի ընթացքում ասաց Վահան Շիրխանյանը՝ պատասխանելով այն հարցին, թե հավանական համարո՞ւմ է , որ ՀՀԿ-ն ու ԲՀԿ-ն դեմ դուրս գան միմյանց, և ԲՀԿ-ն թիկունք կանգնի Քոչարյանին՝ վերդառնալու համար:
Շիրխանյանի կարծիքով՝ կլինի սովորական ընտրություն, և մեծամասնություն կկազմի ՀՀԿ-ն: Իսկ իրենց կուսկացությունը խորհրդարնում չի տեսնում: Երկրի զարգացման համար, նրա համոզմաբ, պետք է հրաժարվել տնտեսության լիբերալ մոդելից:
Մեր այն դիտարկմանը, թե հնարավո՞ր է՝ իրենք հետևեն Պարույր Հայրիկյանի օրինակին և միանան ՀՀԿ-ին, նա արձագանքեց. «Ես լուսնից չեմ իջել, ոչ էլ՝ Մարսից: Մեր կուսկացությունը հողին և ժողովրդին կպած է և նման հեռանկար չի տեսնում:
Ինչ վերաբերում է արտաքին քաղաքականությանը, ապա Շիրխանյանն ասաց, որ ինքն արտաքին ճակատում կարևորում է ԼՂ հարցում ստատուս-քվոյի պահպանումը, հայ-թուրքական հարբերությունների սկսելը, երբ Թուրքիան ճանաչի Ցեղասպանությունը և փախհատուցման պարտավորություն ստանձնի, իսկ Ռուսաստանի հետ հարաբերությունները էլ ավելի խորացվեն:
Ադրբեջանի՝ ՄԱԿ-ի Անվտանգության Խորհրդի ոչ մշտական անդամ ընտրվելու մասին Շիրխանյանն ասաց, որ այդտեղ վտանգ չկա, քանի որ ԼՂ հարցում ստատուս-քվոն մեծ տերությունների հաշվարկներով՝ կպահպանվի: Բայց կարելի էր, ըստ նրա, լոբբինգ անել, որ Ադրբեջանը չընտրվեր:
Ինչ վերաբերում է ՀԱԿ-ի քաղաքականությանը, ապա բանախոսն ասաց, որ նրանք էլ երկիրն այս վիճակից հանելու ծրագիր չունեն:
