Իսպանական նավթագազային Repsol YPF ընկերությունը վերականգնել է նավթի արդյունահանումը Լիբիայում: РИА Новости–ի հաղորդմամբ՝ այս մասին հայտարարել է ընկերության պաշտոնական ներկայացուցիչ Քրիստիան Ռիկսը:
Մարտին նավթի արդյունահանումը կանգնեցվել էր, քանի որ երկրում սկսվել էին հակակառավարական բողոքները, և ընկերության աշխատակիցները էվակուացվել էին:
Երկու օրվա ընթացքում նավթի արտահանումը կազմել է օրական 30 հազար բարել: Ռազմական գործողություններից առաջ Repsol-ը Լիբիայում ամեն օր արտահանում էր մինչև 350 հազար բարել նավթ:
Ընկերության ներկայացուցիչը դժվարացել է ասել, թե երբ իրենք կհասնեն մինչպատերազմական ցուցանիշին: Նա հույս է հայտնել, որ Լիբիայի այժմյան իշխանությունները հաշվի կառնեն մինչ այդ կնքված պայմանագրերը:
Repsol-ի մաքուր շահույթը 2010 թ. ինն ամիսների ընթացքում կազմել է 1,786 միլիարդ եվրո: