Թուրքիայի արևելյան շրջանում տեղի ունեցած երկրաշարժի տուժածների համար նախատեսված հումանիտար բեռերով բեռնատարը կանգնեցել ու թալանվել է դիակապուտների կողմից: CNNTurk հեռուսատընկերությունը ուղիղ եթերով ցույց է տվել դեպքը, իսկ ավելի ուշ տեսանյութը հայտնվել է Hurriyet Daily News կայքւոմ:
Տեսանյութում երևում է, որ մի խումբ տղամարդիկ և դեռահասներ, որոնք հարձակվել էին բեռնատարի վրա, դուրս են նետել մթերքներով, հագուստներով և այլ իրերով բեռնված պայուսակները:
Վանի փոխքաղաքապետի խոսքերով, դիակապուտների հանցախումբ քաղաքի տարածքում հայտնվել է երկրաշարժից անմիջապես հետո: Նա նաև հավելել է, որ թալանողները տեղացիներ չեն եղել:
Հիշեցենք, որ կիրակի Վանում տեղի ունեցած երկրաշարժի հետևանքով մահացել է մոտ 459 մարդ, ավելի քան 1350 վիրավոր են, ավերվել են ավելի քան երկու հազար շենքեր:
Փրկարարաական աշխատանքներին մասնակցում են մոտ 3000 փրկակարներ, սակայն փլատակների տակ կենդանի մարդ գտնելու հավանակությունը ավելի ու ավելի քչանում է:
Իշխանությունները 1,7 միլիոն դոլար են հատկացրել վնասները վերացնելու համար: Վանին հումանիտար օգնություն են ցուցաբերում երկրի տարբեր շրջաններից:
Երեքշաբթի թուրքական իշխանությունները համաձայնվեցին օգնություն ընդունել տասնյակ երկրներից: Ինչպես հայտնում է France-Presse գործակալությունը Իսրայելը մոտակա օրերս Թուրքիա կուղարկի շարժական տներ տուժածներ համար:
