Լեգենդար Aerosmith խմբի մենակատար Սթիվեն Թայլերը վնասվածքներ է ստացել Պարագվայի մայրաքաղաք Ասունսյոնում հյուրանոցային համարներից մեկի լոգասենյակում ընկնելու հետևանքով:
Ինչպես տեղեկացնում է տեղի ABC թերթը, 62-ամյա Թայլերի ոտքը սահել է, և ընկնելով՝ նա կոտրել է ծնոտն ու վնասել բերանը: Նշվում է նաև, որ երգիչը կորցրել է ատամներից երկուսը:
Ականատեսների խոսքով` տեղի ժամանակով ժ. 14:00-ին երգչին պատգարակով տեղափոխել են հիվանդանոց, վերամշակել վերքերը ու երեք ժամ անց դուրս թողել հիվանդանոցից: Թերթին չի հաջողվել կատարվածի վերաբերյալ մանրամասներ իմանալ:
Երեքշաբթի օրը նախատեսված Aerosmith-ի համերգը ստիպված են եղել տեղափոխել մեկ այլ օր,- նշում է պարագվայական պարբերականը:
Ինչպես հիշեցնում է АВС-ն, 2009 թ. Հարավային Դակոտայում համերգի ժամանակ Թայլերը ընկել էր բեմից և վնասել գլուխը, վիզն ու ուսը: Այն ժամանակ ևս համերգը ստիպված էին չեղյալ հայտարարել: