Ինչպես հաղորդում է Reuters գործակալությունը, ամերիկացի գրող Մարկուս Վեբը դատի է տվել հոլիվուդյան դերասան Սիլվեստեր Ստալոնեին` նրան մեղադրելով դերասանի մասնակցությամբ վերջին ֆիլմի`«Անզսպելիների» սցենարը իրենից կրկնօրինակելու մեջ:
Գրողի պնդմամբ` 2010 թ. էկրան բարձրացած մարտաֆիլմի սցենարը «զարմանալիորեն նման է իր «Ցատկ Կորդովայում» աշխատանքին»:
Վեբը պահանջում է փոխհատուցում իր հեղինակային իրավունքները ոտնահարելու համար և մտադիր է հասնել նրան, որ այդ իրավունքները չոտնահարվեն «Անզսպելիները-2» ֆիլմի նկարահանումների ժամանակ, որը էկրան է դուրս գալու 2012 թ.:
Գրողը պնդում է, որ իր պատմվածքն ու սցենարը գրանցել է 2006 թ. ԱՄՆ հեղինակային իրավունքների պահպանության բյուրոյում:
«Անվիճելի է, որ Ստալոնեն կամ ֆիլմի ստեղծմանը մասնակցած Դեյվիդ Կելահեմը ծանոթ են եղել սցենարին և կրկնօրինակել են դրա որոշ հատվածներ»,- պնդում է Վեբը:
