Իրավապահ մարմինների համար թրաֆիքինգի և շահագործման դեմ պայքարի վերաբերյալ ձեռնարկ է հրատարակվել: Ձեռնարկը պատրաստվել է ազգային չորս փորձագետի կողմից` տարածաշրջանային բազմամյա ծրագրի շրջանակներում, որն իրականացնում են ԵԱՀԿ երևանյան գրասենյակն ու Աշխատանքի միջազգային կազմակերպությունը` Եվրամիության ֆինանսավորմամբ:
Ձեռնարկի նպատակն է ամրապնդել իրավապահ մարմինների` մարդկանց թրաֆիքինգի դեմ պայքարի կարողությունները` Հայաստանի 2010-2012թթ. Թրաֆիքինգի դեմ պայքարի գործողությունների ազգային ծրագրի առաջնահերթություններիին համապատասխան: Այն նախատեսված է դատախազների, ոստիկանների, դատավորների, սահմանապահների և աշխատանքային տեսուչների համար:
Միջոցառմանը կմասնակցեն իրավապահ մարմինների, քաղաքացիական հասարակության և միջազգային հանրության ներկայացուցիչներ:
ԵԱՀԿ երևանյան գրասենյակի ղեկավարի տեղակալ Քարել Հոֆսթրան և ՀՀ ոստիկանության, գլխավոր դատախազության բարձրաստիճան պաշտոնյաներ կներկայացնեն մեթոդաբանությունն ու կանդրադառնան իրավապահ անձնակազմի շարունակական վերապատրաստման ապահովմանն ու դրա կարևորությանը:
Հիշեցնենք, որ ձեռնարկի շնորհանդեսը կկայանա վաղը` հոկտեմբերի 26-ին:
