Ադրբեջանական Trend լրատվական գործակալության փոխանցմամբ՝ Ռուսաստանի ԱԳՆ-ն անդրադարձել է ՄԱԿ ԱԽ-ի ժամանակավոր անդամների ընտրությանը.
«ՄԱԿ ԱԽ 5 ժամանակավոր անդամների (Գվատեմալա, Մարոկկո, Պակիստան, Տոգո, Ադրբեջան) ընտրվելը վկայում է միջազգային գործերում նրանց ակտիվության և ՄԱԿ-ի անդամ երկրների թվում նրանց ունեցած բարձր հեղինակության մասին։
Հուսով ենք, որ այդ երկրներն ակտիվորեն կնպաստեն համաշխարհային գործերում կազմակերպության կենտրոնական դերի, արդյունավետության ու հեղինակության ամրագրմանը։ Մենք պատրաստ ենք ՄԱԿ ԱԽ-ի նորընտիր ժամանակավոր անդամների հետ կառուցողական համագործակցության»։
Հիշեցնենք, որ այս տարվա դեկտեմբերի 31-ին ՄԱԿ ԱԽ ժամանակավոր անդամի մանդատին հրաժեշտ են տալու Բոսնիա-Հերցեգովինան, Բրազիլիան, Գաբոնը, Լիբանանն ու Նիգերիան, և հաջորդ օրվանից նրանց փոխարինելու են վերոնշյալ 5 երկրները։
Ի դեպ, ՄԱԿ ԱԽ ժամանակավոր անդամների ընտրություններից առաջ Ռուսաստանի ԱԳՆ-ը հայտարարել էր, որ աջակցելու է Ադրբեջանի թեկնածությանը։
