Christian Dior նորաձևության տան նախկին արտ-տնօրեն Ջոն Գալյանոյի հակասեմական արտահայտությունները ֆրանսիական սրճարաններից մեկի հաճախորդի հասցեին դեռևս թարմ են բոլորի հիշողություններում: Այնուամենայնիվ, դա որևէ կերպ չի անդրադարձել նորաձևության տան վաճառքի ծավալների վրա:
Համաձայն հրապարակված տվյալների` Christian Dior-ի եկամուտը այս տարվա երրորդ քառորդում կազմել է 368 միլիոն դոլար: Իսկ 2011 թ. հունվարից սեպտեմբեր ընկած ժամանակահատվածում նորաձևության տունն աշխատել է 970.5 միլիոն դոլար` իր եկամուտներն ավելացնելով 18.7%-ով:
Christian Dior-ի ֆինանսական բարօրության համար զգալի ներդրումներ են արել նրա կաշվե հագուստի մասնաճյուղերը` Lady Dior-ը, Granville-ը и Miss Dior-ը:
Հիշեցնենք, որ այս տարվա մարտի 1-ին Ջոն Գալյանոն հեռացվել էր Christian Dior ի արտ-տնօրենի պաշտոնից փարիզյան սրճարաններից մեկի հաճախորդի հասցեին թույլ տված հակասեմական արտահայտությունների պատճառով: Բացի այդ, հայտնի դիզայները ստիպված էր վճարել 6000 եվրո տուգանք:
