Թուրքական Milliyet թերթի փոխանցմամբ՝ Թուրքիայի զինված ուժերի Գլխավոր շտաբը հայատարարել է, որ ավարտված է համարում երկրի հարավ-արևելյան հատվածում ընկած Հաքքարի նահանգի Չուքուրջա շրջանում իրականացվող հակաահաբեկչական օպերացիան։
Այդ օպերացիան, որը ղեկավարել է Գլխավոր շտաբի պետ, բանակի գեներալ Նեջդեթ Օզենը, տևել է 5 օր։ Դրան մասնակցել է 5000 զինծառայող, որոնց հաջողվել է այդ 5 օրում ոչնչացնել Թուրքիայում ահաբեկչական հռչակված ու արգելված «Քրդստանի աշխատավորական» կուսակցության (PKK) 49 զինյալ։
Հիշեցնենք, որ հոկտեմբերի 19-ի գիշերը PKK-ի զինյալները Չուքուրջայում հրթիռակոծել էին տեղի անվտանգության ծառայության ու ժանդարմերիայի շենքերը՝ սպանելով 24 և վիրավորելով 18 զինծառայողների։ Դրանից հետո տարածաշրջանում և Հյուսիսային Իրաքում մեկնարկել էր թուրքական խոշոր հակաահաբեկչական գործողությունը։
