Իրաքից զորքերը դուրս բերելուց հետո ԱՄՆ-ը դեռևս զգալի չափով կպահպանի իր ռազմական ներկայությունը Մերձավոր Արևելքում և Ասիայում: Այս մասին հայտարարել է ԱՄՆ պաշտպանության նախարար Լեոն Պանետտան:
«Մենք այդ տարածաշրջանում կպահպանենք զգալի չափով զորքեր, ինչպես դա անում ենք հիմա»,- ասել է նա:
Ինչպես գրում է Взгляд թերթը, Պենտագոնի ղեկավարը նշել է, որ այս պահին տարածաշրջանում կա շուրջ 40 հազար զինծառայող, որից 23 հազարը տեղակայված են Քուվեյթում:
Այս կապակցությամբ Պանետտան նշել է, որ ԱՄՆ-ում միշտ կգտնվեն անհրաժեշտ ուժեր և միջոցներ Իրանից եկող վտանգին դիմակայելու համար: