Հոկտեմբերի 14-ին վաճառքի հանված Apple ընկերության նոր iPhone 4S սմարթֆոնների պրոցեսորները պատկանում են հարավկորեական Samsung ընկերության արտադրությանը: Այս մասին հաղորդում է CNET News-ը`վկայակոչելով Chipworks ընկերության փորձագետներին:
iPhone 4S-ում տեղադրված է Apple A5 երկմիջուկ պրոցեսոր, որը պատրաստված է 45 նանոմետրանոց տեխպրոցեսորով: Հիմնական պրոցեսորից բացի, դրա մեջ մտնում է գրաֆիկական պրոցեսորը և RAM համակարգային հիշողությունը:
Apple A5 պրոցեսրը օգտագործվում է նաև գարնանը ներկայացված Apple-ի iPad 2 պլանշետներում: Պլանշետների հիշողության քարտերը նույնպես Samsung ընկերության արտադրության են:
Apple և Samsung ընկերությունները 2011 թ. գարնանից միմյանց դեմ պատենտային մարտեր են մղում: Ավելի վաղ ենթադրվում էր, որ դրա պատճառով հնարավոր է՝ Apple-ը փոխի պրոցեսորների մատակարարին, իսկ որպես հավանական թեկնածու դիտվում էր թայվանական TSMC ընկերությունը։
Որոշ տվյալներով` Samsung-ի հիշողության քարտերը կօգտագործվեն նաև iPhone-ի հաջորդ մոդելներում: Այսպես՝ The Korea Times պարբերականը, հղում անելով անանուն աղբյուրների, գրում է, որ երկու ընկերությունները բանակցություններ ն վարում չորսմիջուկանոց A6 պրոցեսորի շուրջ:
