T-Mobile բջջային օպերատորը Ֆլորիդա նահանգի բնակչուհի Սելինա Աարոնսին ուղարկել է 201 հազար դոլարի հաշիվ, չնայած սովորաբար նա մեկ տարիֆի համար վճարում էր 175 դոլար:
Ինչպես հաղորդում է Associated Press-ը, դա տեղի է ունեցել այն բանից հետո, երբ նրա երկու խուլ ու համր եղբայրները, որոնք նույնպես միացված են եղել իր տարիֆային սակագնին, երկու օրով մեկնել են Կանադա: Սակայն ճանապարհորդությունից առաջ նրանք մոռացել են փոխել տարիֆային սակագինը, որի պատճառով Կանադայի տարածքում ակտիվացել է ռոումինգը: Այնտեղից նրանք Աարոնսին ուղարկել են ավելի քան 2000 SMS հաղորդագրություն, ինչպես նաև համացանցից ներբեռնել են մի քանի մեծ ծավալի ֆայլեր:
Շոկի մեջ հայտնված ամերիկուհին, պարզելով, որ դա սխալմունք չէ, դիմել է Մայամիի WSVN հեռուստաալիքի լրագրողներին: Հեռուստաընկերության աշխատակիցները զանգահարել են T-Mobile, որից հետո Աարոնսի պարտքը կրճատվել է մինչև 2500 դոլար, ինչպես նաև հնարավորություն է տրվել նրան այդ գումարը վճարել աստիճանաբար:
