Ադրբեջանական APA լրատվական գործակալության փոխանցմամբ՝ ԵԱՀԿ Մինսկի խմբի համանախագահները հաջորդ շաբաթ կժամանեն տարածաշրջան։ Այս մասին հայտարարել է Բաքվում գտնվող ԱՄՆ առաջին փոխպետքարտուղար Վիլյամ Բըրնսը։
Վերջինս, սակայն, չի նշել համանախագահների տարածաշրջանային այցի ստույգ ժամկետը։ Բըրնսի խոսքերով՝ համանախագահները տարածաշրջանում հանդիպումներ են ունենալու Հայաստանի ու Ադրբեջանի պաշտոնատար անձանց հետ և նրանց հետ քննարկելու են ղարաբաղյան հակամարտության կարգավորման հարցը։
Հիշեցնենք, որ օրեր առաջ Ադրբեջանի արտգործնախարար Էլմար Մամեդյարովը հայտարարել էր, թե ԵԱՀԿ Մինսկի խմբի համանախագահները տարածաշրջան կժամանեն հոկտեմբերի վերջին։