Հարավկորեական Samsung ընկերությունն ամեն ինչ կանի, որպեսզի Ավստրալիայում և Ճապոնիայում արգելվի iPhone 4S սմարթֆոնի վաճառքը: Այս մասին հայտնում է Associated Press գործակալությունը` հղում կատարելով հոկտեմբերի 17-ին ընկերության հայտարարությունը:
Ընկերությունը Apple-ի դեմ հայց էր ներկայացրել Տոկիոյի և Ավստրալիայի Նոր Հարավային Ուելս նահանգի դատարաններում: Samsung-ը պահանջում էր ժամանակավոր արգելել այդ երկրներում սմարթֆոնների վաճառքը: Samsung-ը նաև պահանջում է, որ Ճապոնիայում արգելք դրվի iPhone 4-ի և iPad 2 պլանշետի վաճառքի վրա:
Հիշեցնենք, որ Apple-ի և Samsung-ի միջև դատական գործընթացներ են սկսվել 9 երկրներում: Ընկերությունները միմյանց մեղադրում են սմարթֆոնների սենսորային էկրանների տեխնոլոգիաների կրկնօրինակման մեջ: Առաջիկա շաբաթներին իրենց վճիռները կկայացնեն ԱՄՆ-ի, Հարավային Կորեայի և Նիդեռլանդների դատարանները:
