Հանրապետական սենատոր Ջոն Մաքքեյնը քննադատել է 100 զինվորական խորհրդականներ Ուգանդա ուղարկելու Սպիտակ տան որոշումը:
«Ինձ անհանգստացնում է այն հանգամանքը, որ լավագույն մտադրություները կարող են մեզ բերել որոշակի պարտավորվածությունների, որոնցից մենք չենք կարող հետո հրաժարվել»,- ասել է սենատորը CNN-ին տված հարցազրույցին:
Բացի այդ, Մաքքեյնը քննադատել է Օբամային այն բանի համար, որ վերջինս իր այդ որոշման մասին չի տեղեկացրել կոնգրեսականներին և չի ստացել նրանց հավանությունը:
Մաքքեյնը հիշեցրել է, որ 100 հազար ամերիկացի զինվորներ և սպաներ գտնվում են Աֆղանստանում, ևս 1000-ը՝ Իրաքում, և ստեղծված պայմաններում նոր հակամարտությունը նպատակահարմար չէ:
Ուրբաթ Օբաման հայտարարել էր, որ Ուգանդա է ուղարկում 100 զինվորական խորհրդականների, որոնք պետք է օգնեն երկրի իշխանություններին «Աստծո դիմադրության բանակ» խմբավորման դեմ պայքարում: