Լիբերիայի ընդդիմությունը շաբաթ օրը հայտարարել է, որ լքում է նախագահական ընտրարշավը և հրաժարվում է ընդունել ընտրությունների առաջին փուլի արդյունքները:
Ընդդիմադիր ութ կուսակցություն, ինչեպս նաև թեկնածուները, որոնք զբաղեցրել էին 2-րդ և 3-րդ տեղերը, հանդես են եկել համատեղ հայտարարությամբ, որում մեղադրել են ընտրական հանձնաժողովին՝ հօգուտ գործող նախագահի ընտրակեղծիքներ կատարելու մեջ:
Գործող նախագահը հավաքել է ձայների 45,5%-ը և, ըստ Լիբերիայի սահմանադրության, պետք է տեղի ունենա ընտրությունների 2-րդ փուլ, սակայն ընդդիմության թեկնածուները չեն ցանկանում մասնակցել դրան, և դուրս են գալիս նախընտրական գործընթացից: Հայտարարության մեջ նաև կոչ է արվում կիրակի օրը դուրս գալ բողոքի ցույցի: Այս մասին հաղորդում է Assotiated Press-ը:
