Նախնական տվյալների համաձայն` Լիբերիայում անցկացվող նախագահական ընտրություններում առաջատարի դիրքերում է երկրի գործող նախագահ Էլեն Ջոնսոն Սերլիֆը: Ինչպես հաղորդում է BBC-ն, այս մասին հայտարարել է երկրի Կենտրոնական ընտրական հանձնաժողովը:
Գործող նախագահը հավաքում է ձայների ավելի քան 40%-ը, իսկ նրա գլխավոր հակառակորդ Ուինսթոն Տաբմենը` մոտավորապես 25%-ը: Եթե թեկնածուներից մեկը չհավաքի ձայների 50%-ից ավելին, ապա երկրում կանցկացվի նախագահական ընտրությունների երկրորդ փուլ: