China United Airlines չինական ավիաընկերության մարդատար ինքնաթիռն անհապաղ վայրէջք է կատարել Ցզայույգուան քաղաքի օդանավակայանում, քանի որ կասկած է եղել, որ օդանավում պայթուցիկ սարք կա: Այս մասին հաղորդում են չինական ԶԼՄ-ները:
Ինչպես հայտնում է ավիաընկերության ներկայացուցիչը, տեղական ժամանակով մոտավորապես 17.15-ին հաղորդագրություն է եկել ինքնաթիռի անձնակազմից, որ ուղևորներից մեկն օդանավ է մտցրել պայթուցիկ սարք: 17.40 ինքնաթիռը ապահով վայրէջք է կատարել:
«Սինհուա» գործակալության տվյալներով՝ պայթուցիկ սարքի առկայության մասին հայտարարել է ինքնաթիռում եղած կանանցից մեկը, որը գոռացել է. «Շատ մարդ է մահանալու միասին»: Վայրէջքից հետո հատուկ ծառայությունները խուզարկել են օդանավը և ձերբակալել կասկածյալին: