Կենտրոնական Ամերիկայում, մասնավորապես Գվատեմալայում, Նիկարագուայում, Սալվադորում մոլեգնող արևադարձային փոթորկի հետևանքով առաջացած ջրհեղեղների և սողանքների պատճառով առնվազն 18 մարդ է զոհվել:
Ինչպես հաղորդում է BBC-ն, Գվատեմալայում վտանգավորության մակարդակը հասել է առավելագույնի: Տեղի իշխանությունները հայտնել են, որ գետերում բարձրացել է ջրի մակրդակը, սողանքների պատճառով քանդվել են ճանապարհները: Կանխատեսումների համաձայն` Գվատեմալայում ուժեղ անձրևները կշարունակվեն ևս 2 օր, երկրի լեռնային շրջաններում հնարավոր են փլուզումներ:
Սալվադորում հեղեղված շրջաններից տարհանվել է ավելի քան 2000 մարդ:
Բացի այդ, Մեքսիկայի խաղաղօվկիանոսյան ափին հեղեղումներ է առաջացրել «Ջովա» փոթորիկը: Հաղորդվում է, որ փոթորկին զոհ է գնացել 4 մարդ: