Լիբիայի նախկին առաջնորդ Մուամար Քադաֆիի որդիներից մեկը սպառնացել է հաշվեհարդարի ենթարկել Ազգային անցումային խորհդի (ԱԱԽ) առաջնորդներին: «Մենք մարդիկ ունենք, որոնք կարող են հեշտությամբ չեզոքացնել այդ խայտառակ խորհրդի առաջնորդներին: Եվ մենք նրանց առաջ կանաչ լույս ենք վառել»,- հայտարարել է Մութասիմ Քադաֆին, որի խոսքերը մեջբերում է համաարաբական Elaph թերթը:
Մութասիմի խոսքով` «ապստամբները ոչինչ չեն կարող անել առանց ՆԱՏՕ-ի օգնության»: «Սակայն նրանց խնդիրն այն է, որ Դաշինքը չի կարող իրենց պաշտպանել ամենուր և ընդմիշտ»:
Քադաֆիի և նրա ընտանիքի անդամների գտնվելու վայրը մինչ այժմ անհայտ է:
