Ֆրանսիայում ձերբակալվել է է հայտնի երգիչ և դերասան Պատրիկ Բրյուելը։ Նա կհարցաքննվի սեքսուալ բռնության, բռնաբարության փորձերի և բռնաբարությունների մեղադրանքներով ընթացող հետաքննության շրջանակներում։ Իշխանությունների տվյալներով՝ այս պահին 13 կին ֆրանսիական աստղին մեղադրել է սեքսուալ բնույթի հանցագործությունների մեջ։ Նրանց խոսքով, դեպքերը կատարվել են 1997-ից 2012 թվականներն ընկած ժամանակահատվածում։
67-ամյա արտիստն արդեն չեղարկել է իր առաջիկա համերգային տուրի մեծ մասը, որը պետք է մեկնարկեր հունիսի կեսերին Փարիզում և շարունակվեր փառատոնային ելույթներով։
Փարիզի թատրոններից մեկը, ֆեմինիստների բողոքի ակցիայից հետո, խաղացանկից հանել է նրա մասնակցությամբ վերջին հինգ ներկայացումները։
Անցյալ շաբաթ կազմակերպիչները չեղարկել են նաև երգչի երեք համերգները Մոնրեալում։ Այդուհանդերձ, մի քանի ելույթներ դեռևս նախատեսված են աշնանը։
64-ամյա Բրյուելի փաստաբանները հայտարարություն են տարածել, որում հայտնել են, որ իրենց պաշտպանյալը համագործակցելու է քննության հետ և մտադիր է ապացուցել իր անմեղությունը։ Նա կտրականապես հերքում է բոլոր մեղադրանքները։
Ի սկզբանե գործը հիմնված էր երեք կանանց հայտարարությունների վրա, սակայն հետագայում դիմումատուների թիվը հասել է 13-ի։ Դատախազությունից հստակեցրել են, որ Բրյուելն այժմ հարցաքննվում է այս բոլոր դրվագներով։
