ՊԵԿ նախագահ Էդուարդ Հակոբյանը սոնցցանցի իր էջում գրել է.
«Երեկ Գագարինում մասնակցել եմ Հայաստանում 1-ին` «Eleveight AI» ընկերության արհեստական բանականության տվյալների կենտրոնի (ԱԲ գործարան) բացման պաշտոնական արարողությանը։ Սա բացառիկ ենթակառուցվածք է՝ հիմնված NVIDIA Blackwell B300 գերժամանակակից տեխնոլոգիայի վրա։ Ողջունելի է, որ Հայաստանը քայլ առ քայլ վերածվում է տեխնոլոգիական լուծումներ ստեղծող և արտահանող երկրի։ Արհեստական բանականության և բարձր արտադրողականությամբ հաշվողական համակարգերի զարգացումը կարևոր նշանակություն ունի նաև պետական կառավարման արդիականացման, թվային լուծումների ներդրման և տնտեսության մրցունակության բարձրացման տեսանկյունից։ Վստահ եմ, որ նման նախաձեռնությունները կնպաստեն Հայաստանի՝ որպես տարածաշրջանային տեխնոլոգիական հանգույցի ու կենտրոնի դիրքերի ամրապնդմանը և նոր արժեքների ստեղծմանը»։
