Աստանայում տեղի է ունեցել ՌԴ նախագահ Վլադիմիր Պուտինի հանդիպումը Ղազախստանի նախագահ Կասիմ Ժոմարտ Տոկաևի հետ։
Սկզբում տեղի է ունեցել նրանց առանձնազրույցը, ապա՝ ընդլայնված կազմով հանդիպում։
Ներկայացնում ենք ՌԴ նախագահի հայտարարությունների հիմնական թեզերը.
«ՌԴ-ն և Ղազախստանը համատեղ իրականացնում են յոթ ներդրումային ծրագիր, և սա դեռ միայն սկիզբն է։
Ռուսաստանի և Ղազախստանի քաղաքացիների միջև շփումներն ու փոխգործակցությունը պետք է ամրապնդվեն, այդ թվում՝ կրթության միջոցով։
ՌԴ-ն հանդիսանում է Ղազախստանի առանցքային առևտրատնտեսական գործընկերներից մեկը. 2025 թվականին ապրանքաշրջանառությունը կազմել է ավելի քան 28 միլիարդ դոլար»։
Ներկայացնում ենք Ղազախստանի նախագահի հայտարարությունների հիմնական թեզերը
«ՌԴ-ն և Ղազախստանը ձևավորել են 53 միլիարդ դոլարի 177 համատեղ ծրագրերի փաթեթ։
Ղազախստանի տնտեսական ներուժի զարգացման գործում Ռուսաստանի դերը «դժվար է գերագնահատել»։
Ռուսաստանը ֆենոմենալ արդյունքներ է ցուցադրում, և նրա ապագան Պուտինի ղեկավարությամբ լինելու է պայծառ։
Ռուսաստանն առաջատարն է Ղազախստանում կատարված ուղղակի ներդրումների ծավալով, որոնք կազմում են 29 միլիարդ դոլար»։
