Իսպանիայում հանտավիրուսով վարակվածների ընդհանուր թիվը, որը կապված է MV Hondius զբոսաշրջային նավի վրա արձանագրված բռնկման հետ, հասել է 13-ի։
Իսպանիայի առողջապահության նախարարությունը հայտնել էր, որ նավի ուղևորների շրջանում հայտնաբերվել է վարակման երկրորդ դեպքը։ Վարակվածը եղել է 14 իսպանացիներից մեկը, որոնք տեղափոխվել էին Մադրիդի Gómez Ulla ռազմական հիվանդանոց և մայիսի 10-ից գտնվում էին կարանտինում: Իշխանությունները նշել են, որ վարակը հայտնաբերվել է համաճարակաբանական վերահսկողության ընթացքում՝ որպես նավի բռնկման հետ կապված կոնտակտային անձ։
Առաջին դեպքը հաստատվել էր դեռ մայիսի 12-ին։ MV Hondius նավի վրա հանտավիրուսի բռնկման պատճառները ուսումնասիրում են միջազգային առողջապահական ծառայությունները։ Նախնական տվյալներով՝ երեք ուղևոր մահացել էր Արգենտինայից մեկնարկած ճանապարհորդությունից հետո՝ ապրիլին։ Ուղևորների մի մասը իջեցվել էր Սուրբ Հելենա կղզում, իսկ մյուսները՝ Կանարյան կղզիներում, որտեղից տեղափոխվել էին իրենց երկրներ։
