Կանադայի վարչապետ Մարկ Քարնին Իսրայելի նախագահ Իցհակ Հերցոգի հետ հեռախոսազրույցում ասել է, որ Իսրայելի կողմից Գազա ուղևորվող նավատորմի նավերում գտնվող քաղաքացիական անձանց նկատմամբ վերաբերմունքն անընդունելի է։ Այս մասին Քարնին նշել է X-ում գրառման մեջ։
«Այսօր ես խոսեցի Իսրայելի նախագահ Հերցոգի հետ։ Ես կրկին նշեցի, որ Գազա ուղևորվող նավատորմի քաղաքացիական անձանց նկատմամբ սարսափելի վերաբերմունքն անընդունելի է, և որ մարդկային արժանապատվության նկատմամբ հարգանքը պետք է պահպանվի ամենուրեք և միշտ», – նշել է նա։
Քարնին նաև ընդգծել է Մերձավոր Արևելքում լարվածության թուլացման անհրաժեշտությունը և բոլոր կողմերի միջև երկխոսության իրական վերսկսման կարևորությունը։
